唔理頭皮屑、 搔癢、發紅，可能會過早脫髮?
好多人都覺得自己好健康，但真相又係唔係咁？例如，染完髮之後有頭痕、頭皮屑同頭皮發紅；或者成日有頭皮屑問題，多到好似落雪咁，你係咪只係覺得：
實情係，如果頭皮已經畀咗呢啲警號你，而你無及時好好護理的話，可能會招至過早脫髮危機！
.
點解染完髮之後會有頭痕、頭屑皮同頭皮發紅呢啲問題呢？原來我哋嘅頭皮有好多微生物，包括好菌（如益生菌）同壞菌（如真菌），佢哋會建構一個「頭皮微生態」環境。當頭皮受漂髮、染髮等化學品刺激之後，化學物質會影響頭髮毛囊，令頭皮發痕同發紅，促使「頭皮微生態」失衡。而無端端出現頭皮屑問題，就可能係因為頭皮有馬拉色菌（Malassezia）呢隻真菌，吞食毛囊上嘅頭皮，損害頭髮毛囊，令頭皮屑好似落雪咁飄吓飄吓，同時仲會加速頭皮細胞死亡，令頭髮甩得比平時多，最壞情況就係過早脫髮。
過早脫髮高危一族
據較早前香港醫護市場調查及策劃嘅問卷調查結果，喺119位有頭皮痕癢困擾嘅受訪者中，約8成人有定期進行電、染髮、負離子等頭髮造型，而同時受頭皮困擾嘅人就有97%，可見呢個問題已經令好多愛美人士備受困擾。
唔係殺菌咁簡單
不過，唔係咁多人了解乜嘢叫「頭皮微生態」，據同一個問卷調查結果，受訪者中，未聽過「頭皮微生態」嘅有94%。其實「頭皮微生態」唔係一個艱深嘅概念，就等於近年好多人都明白如果「腸道微生態」失衡的話，可能需要靠進食益生菌嚟幫助腸道好壞菌平衡。「頭皮微生態」都一樣，壞菌過多，就要靠額外嘅營養幫幫手；而同頭皮關係最密切嘅，自然就係洗頭水或一啲可以搽喺頭皮上嘅精華素。
維持頭皮健康靠佢
咁邊啲洗頭水及精華素適合有頭痕、頭屑皮同頭皮發紅嘅人士，預防過早脫髮嘅侵襲？腸道有益生菌，洗頭水就有「益生元」，呢種「益生元」係益生菌嘅食物，能夠幫助益生菌生長，等好菌同壞菌抗爭，幫助平衡被破壞嘅頭皮微生態環境。
如果用咗含「益生元」嘅洗頭水仍然覺得唔夠的話，建議用埋含「後生元」嘅頭皮精華。「後生元」係益生菌進食「益生元」之後所產生嘅代謝物，係頭皮嘅保護者。而補充頭皮嘅「後生元」，就有助平衡免疫反應，促進鞏固皮膚健康。Dermatology and Therapy喺2020年進行嘅雙盲實驗論文亦提到，「後生元」對頭皮問題有顯著嘅改善。*
市面上有齊「益生元」同「後生元」嘅洗頭水及頭皮精華嘅選擇唔多，但以下呢2隻紓緩髮肌洗髮露及紓緩頭皮髮肌精華一開賣就斷市，認真誇張，仲要網上已廣傳好評！小編翻查資料，原來呢2隻產品除咗有「益生元」同「後生元」之外，仲含有富士蘋果幹細胞，可以減少頭皮泛紅、敏感同頭皮屑形成；唔係我亂講㗎，係根據美髮產品功效試驗的臨床觀察**，91%受訪者話可以減敏止痕，82%受訪者表示可減頭皮屑。如果大家都有頭皮屑、搔癢、發紅等頭皮問題，想試吓呢2隻好評熱賣中嘅新產品，就要把握機會去萬寧搜購啦。
* Rinaldi, F. Efficacy of Postbiotics in a PRP-Like Cosmetic Product for the Treatment of Alopecia Area Celsi: A Randomized Double-Blinded Parallel-Group Study. Dermatol Ther (Heidelb) 10, 483–493 (2020).
**Clinical evaluation of the efficacy test of hair products (Study Report #DA22A190), Dermscan Asia (subject used shampoo and serum together in the study)
